الأربعاء، 1 يونيو 2011

بارانويا

!مفيش كوُن ولا ناس
دي حاجات موجودة عشان بشوفها
ولا في موضة وصيحات
دي كاريزما بـ لبسي
انا بعملها
شوارع ,, بيوت ,, متاحف ,, محلات
على وش الأرض (عشان) بزورها ساعات

نازية ,, شيوعية ,, رأسمالية ,, اشتراكية
بفكري (العالم) حسبها اتجاهات
مركز الكون أنا .. أصل الوجود
أنا


.. .
,, [ و [ أنت
.
.


زيكـ زي كل اللي فات
جميل .. عشان شوفت
كـ
مُهم .. عشان عرفت
كـ
سر جاذبيتكـ لمساتي
وحلا روحكـ بأحساسي
قبلي كنت مجرد
صنمـ
و يوم ما ابعد نظري عن
كـ
هـترجع تاني للـعدم



...
!!!



هناك 8 تعليقات:

فشكووول يقول...

السلام عليكم
اهلا .. انت فين من زمان
الانسان الطيب هو من يصنع الانسان الذى يتلاقى معه .. هو من صنعك انت من صنعه المهم ان يتلاقيا

اما انا بقى مش متفق مع اصحابك اللى واحد بيتخانق عشان عمرو موسى والأخر بيتخانق عشان البرادعى .. انا بقى حاتخانق معاهم الاثنين عشان هشام البسطويسى ..

المهم ان اللى ييجى ييجى عن طريق صندوق الانتخابات الحره النزيهه ومش مهم مين اللى ييجى وصندوق الانتخابات دائما مع كل دوره بيصحح نفسه .. الناس فاكره انها حتنتخب ملائكه وييجوا يحكموا مصر .. دا احنا حناخد دورتين تلاته على بال ما نتعلم ازاى ننتخب ونجيب ناس صح .. لاننا ما اتدربناش على الانتخابات الصحيحه من زمان .. المهم ان نبدأ ..

تحياتى يا فلول

فشكووول يقول...

يا سلام دا طلع اول تعليق .. ارغى بقى معاكى شويه

لو فيه دستور كويس بيحد من صلاحيات رئيس الجمهوريه وياريت يكون دستور يؤسس لدوله برلمانيه .. يبقى مش مهم مين اللى ييجى .. قولى ليه .. عشان الانتخابات الصحيحه زى مياه النيل تنقى نفسها بنفسها مع جريان الماء . . اذا اخطأنا فى الاختيار .. ممكن المره الجايه .. واذا كررنا الخطأ .. كل تجربه بنتعلم منها .. المهم الصندوق النزيه الصحيح الذى ليس فيه تزوير .. انتخابات نزيهه علنيه هى اللى تعمل اللى احنا عايزينه .. ومصر لن تتقدم الا بالديمقراطيه .. ومهما كان مش حييجى اوسح ولا اوحش من اللى فات من سنة 1952 حتى الآن

سلام بقى يا مندسه

آه وكفى يقول...

هههههههههههههههههههههههههه
عليا النعمة انت راجل عسل
انا كمان و الله شايفة ان لو اتحط دستور و برلمان كويس ويجي رئيس عن طريق انتخابات نزيهه يبقى لعله خير انشاء الله و مفيش حاجة بتتصلح من اول مرة و لازم نغلط عشان نتعلم من غلطتنا و محدش بيتعلم ببلاش

بس و ربنا واحشني :)

دعاء يقول...

راق لي ما كتبت ...

يسعدني أن تكوني من متابعي مدونتي :
http://thusmylife.blogspot.com/

MKSARAT - SAYED SAAD يقول...

كل ما اجي اعلق معرفشي

ومفيش غير كلمة واحده هي اللي مسيطرة على دماغي من كتر ما الفكرة حلوة قوي ودماغك كانت عالية فيها جدا
الكلمة هي ( جباااااااااااااارة)
دائما اعجب بأبداعك

دمتى بود وسعاده
سيد سعد

فشكووول يقول...

السلام عليكم
تحياتى
كل عام وانتم بخير ويعيده الله عليكم بالخير واليمن والبركات
هذه مدونتى الجديده بعد ان ضاعت فشكوول دوت كوم فى الوغى زى هنادى اللى راحت فى الوغى وغرقت فى البحر واضطريت اعمل واحده جديده بنفس الاسم
تحياتى

الدرويش المرووش يقول...

حلو و معبر و مؤثر

الازهرى يقول...

نحن من نخلق بداخلنا ما نريد
ومن نريد


تحياتى على الكلمات الجميلة

وتحية اكبر على لوحة الشهداء الرائعة