الجمعة، 5 يونيو، 2009

اكتشفت اكتشاف

مش انـــا اكتشـفت اكتشــــاف

إنـي مــالاول عــارفة ندالتـــك

ودايــــمــاً منــــها بخــــــــاف

مش انـــا اكتشـفت اكتشــــاف

ان صدق مشاعرك ده وهــــــم

ملوش جواك اســـــــــــــــــاس

فصلـّـتني على حجم عواطفــك

و مقاســـــــات انانـيــة قلــــبك

و لما كبرت .. مات الاحسـاس

كنت عشانك اكــــذب نفـــسي

و اقول ده ملاك ميخونــــشي

وانا اغلط وانت متــغلــــطشي

واهرب من نـــار الاعتــــراف

اقـــــــــــــولك أهــــم اعتــــراف

انا شكل جـــــميل فــــيوم عجبك

وقالب رشيــــــــق كالعادة شدّك

وسبتني لما ده كله راح والزمن

سرقني أزيــــد ماسرقك اضعاف

زمان مع الوحدة انا عــــــــشت

صــاحبـتها وبيها اتـــونــســـت

جيت خــــــــدتـني منـــها ليـــه

وليه بئيت منها دلوقتي بخـــاف

هناك 11 تعليقًا:

adel يقول...

جامد كالعادة
بس المرة دي الرسمة احسن كتير :):)

بس اي يزم الاكتشافات العلمي ده

هههههههه

بس حلوة تعبيرات _ندالتك - مقاسات-فصلتيني)
انتي بتحبي ترزي ولا ايه

ههههههههههههههه

----------
لا بس بجد الرسم حلو جدا :):)

الفراغ يقول...

ربنا معاكى
احساسك صعب..بس عرفتى تعبرى عن الازمه باسلوب اكثر من رائع
وكمان بتعرفى ترسمى ماشاء الله
على فكره دى اول زياره مع انى دخلت قبل كدا مدونه برضه كان فيها رسم
بس تاهت منى فى وسط الحياه

كيــــــــــــارا يقول...

الصوره اخترتيها مكمله للبوست

بجد رائع

الاسلوب مختلف اوي اوي

ranim يقول...

ايه الحلوه دي انا اعتقد اني اول مرة اعلق هنا وحلو اوي البوست ما شاء الله وياربببببببببب كل المدونة تعجبنييييي

أنـــا حـــــــــرة يقول...

الرسمة عجبانى

لازم تنمى موهبتك و للا تشتغلى بيها متكتفيش بالرسم لنفسك لو بتعملى ده يعنى

مواطن مصرى نايم يقول...

على فكرة
زعلان منك
بس كده
بقى تقفلى الاكونت يا نور و من غير مقدمات حتى
مااااااشى
ليا كلام معاكى

صباح الصباح يقول...

برافو برافو برافو

اللوحة بتاعة الرقص الولد والبنت تحفة جامد

آه وكفى يقول...

adel
------
هههههههههههههه
ياسلام يعني كل اللي برسمه ده وفي الاخر عود القصب المصوص ده هو اللي عجبك ,, ماشي ياعم
لأ حضرتك هو كان شغال رفا وربنا تاب عليه

وبجد انت احلى احلى :))
سلام ياعدوول

___________________________________

الفراغ
--------

والله ربنا مع كل وحدة حست الاحساس ده انا شوفته قصادي لكن لسه محستوش بس هو عموما النداله ياما في منها ومتوقعة
واهلا بيكي في اول زيارة واتمنى متكونش الاخيرة وكل البلوج يعجبك ,, انا نفسي الائي مدونة فيها رسم ياريت لو تلائي قوليلي عليها وهكون شاكرة ليكي جدا جدا

نورتي

ـــــــــــــــــــــــــــــــــــ

كيــــــــــــارا
--------------------
عارفة يا كيارا انا عندي حاجات كتير كباها عامية بس مكنتش عيزة انزلها عشان بحس انها مش هتلائي استحسان منكم لكن الحمدلله عجبت الاغلبيه

وانا بحبك اوي اوي معرفش ليه :)

ـــــــــــــــــــــــــــــــــــ

ranim
--------
يحلي ايامك يارب
وياريت ميكونش اخر تعليق
وياااااااااارب المدونة كلها تعجبك والائيكي هنا دايماً

هستناكي تاني :))

ـــــــــــــــــــــــــــــــــــ

أنا حره
---------
والكلام معجبكيش؟!

موضوع الموهبه ده بيقلب عليا ذكريات يجي 12 سنة ورا ,, تعرفي اني ايام المدرسة كنت اجيب كراسة الرسم على اخر السنة ميكونش معايا منها حاجة بسبب انها كلها متعلقة على الحيطه في فصلي ,, ده غير اني طلعت وانا في 1ثانوي التانية على المحافظة في الرسم وكنت عيزة اتصعد على مستوى الجمهورية .. بس خدت تشجيع مقولكيش اد ايه من اهلي
قالولي مستفيدة ايه يعني وشوفيلك كلمتين ينفعوكي وكانت شغلانة غبره
كلهم كانو بيشجعوني من صغري ولله الحمد .. كانوا ديماً يرمولي اي حاجة ارسمها ,, كل ميشوفوني برسم ينزلوا فيا تشجيع الحقيقة
والله انا كنت برسم احسن من كده كتير لعلمك وكان نفسي ادرس رسم ,, لكن للاسف
على فكرة انا بيتعرض عليا كتير حكاية اني اشتغل بيها دي بس انا شايفة اني مينفعش امتهن منغير دراسة وحتى لما ادرس مش همتهنه هخده كهوايه ويكون ليا شغل تاني .. ده إن نفع يعني

تحياتي ليكي وميرسي لتشجيعك

ـــــــــــــــــــــــــــــــــــ

مواطن مصري نايم
----------------
خليك في امتحاناتك وبعدين ابئى تعالا نموت بعض انا وانت
واكيد طالما عملت العملة السودة دي اكيد في حاجة بس جايز ارجعه تاني لاتقلق

ربنا معاك

ـــــــــــــــــــــــــــــــــــ

صباح الصباح
-------------
شكرا شكرا شكرا :)))))

طب والله الحمدلله انها عجبت حد اخيرا دوول عمالين يطلعولي فيها القطط الفاطسة واللي يغلب اوي وميلئيش حاجة يقولها يقولي بس كده ترسمي الهبل ده على الباردي كده تقللي من قيمته
قال يعني البردي هينطق ويقول يايترسم عليا فرعوني يااما فلا

حاجة تعل

!!! عارفة ... مش عارف ليه يقول...

برافو نوره

طب أقولك على حاجة

والله من زمان وانا وحشني الكلام اللي الجميل ده وكمان المرة دي بيكمله حاجة انت رسمتيها بنفسك

وكمان من المرة اللي فاتت لما جيت وشوفت رسوماتك فوق أووي كده اتبسط جداا لانك زمان كنتي بتخليها تحت خالص كأنك مكسوفة منها

تحياتي لك ولمدونتك الأكتف أوووي :)

وليد

Tadwina يقول...

مرحباً
لقد قام أحد المعجبين بمدونتك بإضافتها إلى تدوينة دوت كوم، بيت المدونات العربية.

قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
يمكنك متابعة مدونتك على الرابط التالى:
http://www.tadwina.com/feed/284

يمكنك متابعة باقى مدونات تدوينة دوت كوم على الرابط التالى:
http://www.tadwina.com

لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع.

و لكم جزيل الشكر،

فريق عمل تدوينة دوت كوم.
http://www.tadwina.com

wella يقول...

جامد جامد جامد جامد جامد


بجد انتى تحفة

الصورة والبوست هايلين\

احساسك عالى اوى وكلماتك بجد حلوة