الأحد، 31 مايو، 2009

بقايــ // ــا أمل



رفضتتنِي بـ القَدر ذاته الذِي رغبتُكَ أنَا بِه

..

وَضَعتَ حَواجِز الظُرُوف ، سدُود العَادَات و .. أسلاك التقَالِيد الشّائِكَة بَينِي وبينكَ ،


وماكَان بـ إستطَاعتِي أن أتجَاوز منَاطِق رفضكَ الوعرَة لِيَ و أنَا مُمسِكَة بِـ يَد قَلبِي الذِّي


يُحبِّكَ .. وَ أَصِلُكَ !


هَل أحبَبْتنِي ؟

}


هناك 18 تعليقًا:

مامة مازن يقول...

بجد كلمات قليلة لكن فيها معانى كتييير

غير معرف يقول...

حلوةةةةةةةةةةةةةةةةةةة
فيها نكد مكبوت كدة بس طبعا عجبنى :D


Frasha

Lyssandra يقول...

مختصـــــــر
مفيــــــد

----

:)
ببراعةاختصرتِ مسافات من الألم .. مساحات من الخسارة

دام قلمك

--

تحياتي ودمتِ بخير

*
Lyssa
.....

الست فرويد يقول...

لو حب كان هو اللى اجتاز العقبات

تحياتى لكلماتك الرقيقه

adel يقول...

يا جامد :):)

بس السؤال صعب ؟؟؟
يمكن لاني جربت بس كنت مكان الولد :):):)
احساس برضه من الناحية التانية بيبقي وحش قوي :):):)

----------
ايه اخبار الامتحانات

I'm The CraZy One يقول...

7elwaaaaaaa awii bgd bgd
w 2l blog latyfa awii

ميرام يقول...

الله الله الله الله
على البوست والمدونة
وعليكي شخصيا ..
بجد حروفك مليانة احساس ..
تقبلي مروري
ولي عودة مع جديدك

آه وكفى يقول...

ماما مازن
-----------
المهم تكون عجبتك :)) تحياتي وسلامي لمازن

ـــــــــــــــــــــــــــــــــــ
Frasha
--------
هو انتي كل بوست هنا موركيش غيري ولا ايه ده ايه اللزقة دي
انبي وحشاني وواحشني نكدك

ـــــــــــــــــــــــــــــــــــ
Lyssandra
----------
اه هنقعد نرغي على ايه مش قولنا اللي فيها خلاص ,, ةدمتي بكل خير :))

ـــــــــــــــــــــــــــــــــــ
الست فرويد
-----------
زمان الحب كان بيجتاز العقبات بتاعة زمان لكن معرفش ليه العقبات اليومين دوول طولت واعرضت وبئت جموسة ليه

ـــــــــــــــــــــــــــــــــــ

adel
-----
كنت حبيتها طيب حد لائي يابني ياستار عليكم ياصبيان وعلى البطر بتاعكم

ـــــــــــــــــــــــــــــــــــ
I'm The CraZy One
------------------
شكرا ده بس من ذوقك والله

ـــــــــــــــــــــــــــــــــــ
ميرام
-----
ده ايه الكلام الكبير ده والله كتير عليا
وهلا بيكي ومستنيين عودتك ياستي

ـــــــــــــــــــــــــــــــــــ

تحياتي للجمييييييييييييييع

كاتب مصري يقول...

يااااااااااه انتي لسة موجودة في الدنيا أخبارك ايه يا بنتي فينك بجد فرحت قوي والله بزيارتك دي وسلامك ده
ياااااااااااااه مطوليش الغيبة كده تاني
بقولك ما تشاركي معانا في مجلة رؤية مصرية
لو عاوزة قوليلي
مستنيكي وبطلي تختفي كده
يلا سلام عليكم

دينا حامد يقول...

كلمتين وبس
بجد رائعة يانور ومبدعة
تسلم ايدك


تحياتي

فشكووول يقول...

ازيك يا آه وكفى
تحياتى
اعتذر للتأخير
طب الصوره اللى تحت وماسكه ورقة كوتشينه مفهوم وجودها ليه
اما الصور اللى فوق
والله يا آه وكفى ما اعرف علاقة الصور الاعلى بالموضوع
لكــــــــــــــن
السؤال الاخير
هو كل الموضوع
هل احببتنى وعليه ممكن الواجد يكتب موضوع كامل ولا يفيى السؤال حقه
طبعا هو وضع حواجز واسلاك وانت بتحبيه لكن هل هو يحبك
السؤال يحتمل الاجابه بلا اكثر من الاجابه بنعم
تحياتى يا آه وكفى

فشكووول يقول...

ازيك يا آه وكفى
تحياتى
اعتذر للتأخير
طب الصوره اللى تحت وماسكه ورقة كوتشينه مفهوم وجودها ليه
اما الصور اللى فوق
والله يا آه وكفى ما اعرف علاقة الصور الاعلى بالموضوع
لكــــــــــــــن
السؤال الاخير
هو كل الموضوع
هل احببتنى وعليه ممكن الواجد يكتب موضوع كامل ولا يفيى السؤال حقه
طبعا هو وضع حواجز واسلاك وانت بتحبيه لكن هل هو يحبك
السؤال يحتمل الاجابه بلا اكثر من الاجابه بنعم
تحياتى يا آه وكفى

فشكووول يقول...

بنتى العزيزه آه وكفى
تحياتى
آهـ يا آه وكفى
عايزه تقولى ان دى رسوم اديك وحياة عنيك
ساركوزى وعادل امام(ما بقتش احبه) وتوم وجيرى وكندى رايس (شوفى مع ان شكلها يسد النفس لكن بحبها- نفسى حلوه بقى) وعربيه قديمه وشورة رسوم جميله
بس مين اللى ودنه زى ودن الحمار ده
على فكره هى صورة نورا الخشن ولا انت نورا الخشن ؟؟
ما تخافيش مش حافتن واقول على اسمك
تحياتى يا آه .... آآهين

!!! عارفة ... مش عارف ليه يقول...

هَل أحبَبْتنِي ؟

--------------

أشك



وليد

karim يقول...

رائعة جداا جدااا,تحياتى

آه وكفى يقول...

كاتب مصري
-----------
اه موجوده في الدنيا مش شايفها لسه دوشة .. وانا عارفة ياسيدي اني مقصرة في زياراتي للناس بس غصب عن الواحد والله
بس ايه مجلة رؤية مصرية دي احكيلي الحكاية الاول عشان افهم عشان انا ناس كتير مخدوعين فيا وبيجبولي مجلات اشتغل فيها وانا حمارة اصلا بس هما مش حسيين

ـــــــــــــــــــــــــــــــــــ

دينا حامد
----------
تلامذتك ياباشا
تسلميلي ياحلوة

اخبار ادب مصر والبلاغة ايه

ـــــــــــــــــــــــــــــــــــ

فشكووول
--------
على فكرة يااستاذ فشكول انا كمان مبئتش احب عادل امام عشان كده رسمت الصورة دي وكنت قصدي اهزقه بس للاسف الصورة مطلعتش وحشة اوي ,, يلا نصيبه ابن المحظوظة
ويااستاذ فشكول حضرتك زي والدي وانا اسمي نوره وهكون مبسوطة لو قولتلي بت يانوره واضربني مش مشكلة كمان لو عايز
والصورة بتاعة البنت اللي نكشة شعرها دي وانا برسمها مكنش في نيتي حد بس كل اللي شافها قالي انتي دي صح فالظاهر انها شبهي وانا مش حسه
اخبار امتحانات محمود ايه
سلامي لحضرتك

ـــــــــــــــــــــــــــــــــــ

عارفة .. مش عارف ليه!!!
ــــــــــــــــــــــــــ
يعني ياوليد تقدر تقول ان السؤال من باب ان الجعان بيحلم بسوق العيش :))

ـــــــــــــــــــــــــــــــــــ

karim
-------
ده بس من ذوقك ياكريم ويارب كل الكلام يعجبك واشوفك هنا تاني
:)

دعآء يقول...

رفضتتنِي بـ القَدر ذاته الذِي رغبتُكَ أنَا بِه..
!!

مُؤلِمَة ..

حَقًا .. آه وَ كفى ..
و لا شيءَ بعد الآه !

()

آه وكفى يقول...

دعآء
------
اقول الاه كي اشفي غليلي .. ويجرحني واحسبها دواء

تحياتي