الثلاثاء، 17 مارس 2009

أتصالحنا




-وحشـــتيني..
*وحشــــتني..
-لسه زعلانة؟!
*آه زعلانة..
-طب أنا آسف..
*على ايه؟!
-عشان زعلتك..
*لأ..صعب ازعل منك .. أنا زعلانة من نفسي ..
-ليه بس؟!
*عشان زعلت منك في يوم من الايام..
-تبئي لسه زعلانة مني انا كمان..
*ازاي؟!!!
-منا أنتي .. وأنتي أنا
*خلاص هسامحني عشان خاطرك..
-بحبك..
*بحبك..
-...../*

هناك 28 تعليقًا:

آه وكفى يقول...

انا اسفه ياجماعة
كان عندي امتحان واكتئاب وفي انتظارالنتيجة
انا الحمدلله بخير ومتشكرة لكل اللي سأل عليا واللي مسألش بنلتمسله العذر

هرجع تاني ارد عليكم وازوركم فرد فرد


تحــــــــــــياتي للجميع

دعاء مواجهات يقول...

الف مليوون بعيد الشر على الجميل من الاكتئاب ومن الامتحان كمان

يابنتى انتى بجد على بالى اوى طوول الايام اللى فاتت وعمالة اقول هى البت دى مالها منفضالى كدة؟؟

بس اتاريكى بقى ...

==================

بالنسبة للتدوينة

من اجمل المشاعر فعلا وبتعبر عن حالة حقيقية من الحب

تحياتى لاحلى قمر تدوينى متحرك

بيس ياقمرى ..

مواطن مصرى نايم يقول...

نعم يا بنتى
و حياة امى دماغ
بس خلاص بقى فكى من الاكتئاب
و الله انا اصلا مخنوق لدرجة رهيبة
بس بخرج من الحالة دى
و كل يوم تظهر حاجة تخنق جديده
بس يا بنتى احنا جامدين اوى
فكى كده و النتيجة كمان حتبقى تمام ان شاء الله
و مش تشغلى بالك بردود دلوقتى
المهم تبقى احسن

Lyssandra يقول...

:)

صباح الصباح يقول...

اية دة يا بنتى

جميل جميل حقيقى

خصوصا النو كومنت الاخير

بجد وبلا مجاملة انتى دماغ كبيرة اوى

محمد عتلم يقول...

مين زعلان من مين ومين بيتأسف لمين ؟؟؟ هما دول اتنين ولا واحد بيكلم نفسه
ايه اللخبطه دى
عموما جميل ان الاتنين يكونو واحد ويعاتبو نفسهم كده

كاميليا بهاء الدين يقول...

صباحك سعادة ..

مررت من هنا بالمصادفة ..

وكانت مصادفة سعيدة

لانى عثرت على مدونتك العطرة

قرأت .. واحببت ان احييك

على جمال حروفك .. ونبض قلبك الجميل

تقبلى مرورى

وودى

Hanan Elshafey يقول...

وحشتيني فعلا
بجد بقي زعلانه منك
وهو يعني اللي عنده اكتئاب يبعد عن الناس اللي بيحبوه
وبعدين مطمنتيناش عالنتيجه اخبارها ايه
ياارب خير
وحشتيني بجد وتدوينه حلوه فيها حب وتسامح بس تعرفي بقي نادر اوي اوي
خالص حبي ليكي

momken يقول...

ايه الرقه دى؟

ايه الروقان ده

انتى سهلتى الدنيا كلها فى بوست زى السكر

تسلك ايدك
بوست منتهى الرقه النعومه

تحياتى

romansy يقول...

حمد الله على سلامتك
وبالتوفيق فى الامتحانات ان شاء الله
والحمد لله
ان اللقاء انتهى بالصلح
بس متزعلوش تانى

adel يقول...

كل ده غيبة
و اكتئاب
يلا هي جت علبكي

حمدالله علي السلامة

ومبروك التصالح

آه وكفى يقول...

اهلا وسهلا بيكم جميعاً
ورجعلكم تاني ارد
منورني

بس ملحوظة عالضيق كده

انا اصلا لا متخانقة ولا متصالحة ولا مصاحبة ولا حاجة اساسا ,, وحي الخيال يعني .. والبوستين جم ورا بعض بالصدفة رغم ان بينهم شهرين واكتر في الكتابة

:O))

تحياتي ليـــــــــكم

adel يقول...

هههههه

متخافيش محدش هيحسدك

هههههههههههههه

دينا حامد يقول...

الف مبروك يانور والحمد لله على النجاح بلاش اكتئاب بقى ان شاء الله خير وكل حاجة هتبقى تمام

بالنسبة للبوست
مممممممم
هو ده الحب الحقيقي :D

تحياتي

غير معرف يقول...

mabrooooooooooook el naga7 ya moktaaaaaba22222 hanem we 3abale el course isa we 7aga tanya yaaaaa raaaaaaaaaaab hhhhhhhhh tab3an enty 3arfa el tanya de eih balash afda7ek hena fe west gamaherek hahaha

ama belnosba le el tobic fa el 7amdollah mesh feahma 7aga a3taqed en feha 3'latate emlaaya ana f3lan mesh 3arfa hya eih enma hwa feh
7aga mesh sa7e we 7'alase




we bardo mesh fahma

awel mara a7es eny 3'abya !!!!!!



ya sa7ebaty el 3azyza


wa 7'etaman wa a7'yran wa laysa a7'r mesh 3rfa eih el fwan dah elly fouto 3aliky bye

hanoudtek

غير معرف يقول...

ffffffffffffffff katabtelek t3liq kebeeeeeeeeeeeeeeeeer we taweeeeeeeeeeeeel we kont mbad3a we faya we raya geda we ba3den we ana bab3ato neseet a3mel el hawya fa etmasa7 fa etnarfezt wallahi ma ana katba tany bas






hanoudtek

غير معرف يقول...

hhhhhhhhhhhh da beyouli تم حفظ تعليقاتك وستكون معروضة بعد موافقة مالك المدونة الإلكترونية.


we ana ma7'adtesh baly eshm3na el tagded el mofage2 dah

Hanan Elshafey يقول...

مبرووووووووووووووووووووووووك النجاح

محمد عتلم يقول...

مبرووووووك يا عم على النجاح وعقبال الاعداديه
بس بس بس اي .... مبلاش ضرب بأه
خلاص عقبال الدكتوراه

رندا يقول...

وحشانى وحشانى الف مليون
مبروكـ النجاح ياقلبى
ايوة كدة طبعا جيد جداً امال لا يعنى
واتصالحنا فى حد بيصالح حد ياعم فى الزمن دة ههههه
يعنى فى الاخر اتصالحوا ورجعوا لبعض ولا رجع لنفسة ولا رجعت لنفسها
يووووة لخبطيتنى ياعم الشقى انت
موووووووووهـ كبيرهـ خالص
مش تتاخرى عليا وحشنى شقواتك والكلام معاكى
حضن كبيرة اوى خالص

Beram ElMasry يقول...

السلام عليكم ورحمة الله وبركاته
عزيزتى الغالية ،انت ام اليوم او غدا ، فكل عام وانت بخير فى عيد الام ، وان كنت تتمنين لطفلك ان يحيا امنا فلقنيه ان الاسرائيلى شر كله ، فلا يامنه برهة ، ولا يسالمه مدى الحياة

يهودى يعنى حنش احسن دوا تقطعوا راسه
كلام نقوله لنسلنا نطبعوا فى كتابه وكراسه
لك تحياتى والسلام عليكم ، ولا سلام مع اليهود
بيرم المصرى

adel يقول...

مبروك النجاح

و جيد جدا و خايفة

امال اللي بيجيب مواد يعمل ايه ؟

ههههههههههههه

Unknown يقول...

اولا بالتوفيق فى الامتحان
ثانيا ربنا يديم الود والتسامح
والحب

غير معرف يقول...

جميل الحب
وجميل ان الواحد يبقى حبة اكبر من اى زعل

Mkjwe يقول...

بجد مش عارف أقولك إيه شعوري تجاه الكلمات الي في البوست دي لا توصف بالكلمات , بجد يا بنت الناس انتي ربنا يوفقك بحياتك ويسعدك ربي على ابداعتك دة وقسم بالله يا ناس انك خسارة بالبلد دي انتي المفروض يعملولك كوكب خاص فيكي جنب القمر ولك مني اجمل باقة ورود بنفسجية , أحساسك قوووي وفووووق فووووق فوووووق مع النجوووم وبس

نعكشة يقول...

والله انتي جميلة

دة بالنوزبة للبوست

...........

ألف مبروك يا قمر
يا رب يا رب عقبال الامتحان بتاع الكورس كمان
ربنا يعينك يا جميل

سلام عليك

آه وكفى يقول...

دعاء مواجهات
-------------
طظ فالاتنين .. هههههههههههههههههه
وانتي كمان والله على بالي كتير بس الحقيقة اني انا نفسي مبشوفنيش من التوله اللي انا فيها مش منفضالك انا اقدر برضو .. بس مش هقولك غير ادعيلي
ومتشكرة يا احلى دودو قاعدة معانا في بلوجر :-))
___________________________________

مواطن مصري نايم
----------------
نعم ياضنايا
وبالنسبة للاكتئاب .. هقولك ده الحزن زي البرد زي الصداع وانت فاهم
وانا الحمدلله بئيت احسن
المهم انت عامل ايه؟!
ـــــــــــــــــــــــــــــــــــ

Lyssandra
-----------
:))))))))))))))))))
ـــــــــــــــــــــــــــــــــــ

صباح الصباح
-------------
ميرسي اوي عالكلام الجميل والله بتيجي كده والله كتير عليا .. متشكرة اوي
ـــــــــــــــــــــــــــــــــــ

محمد عتلم
----------
بس كده انت جبت المفيد .. اصبحوا واحد ..
وبعدين اعدادية ايه بس مش لما يدوني الابتدائيه الاول :-)) وانت اخبار البكالوريا معاك ايه دلوقتي P:
منورني دائماً
ـــــــــــــــــــــــــــــــــــ

زهره الكاميليا
---------------
صباحكـ سكر
ودي اجمل صدفة حصلت في البلوج عندي ويارب تكرري الصدفة
وحروفك العطره دي من فرط ذوقك واخلاقك العليا
وشرفتيني وياريت تبئي زائرة دائمه في مدونتي المتواضعة .. تحياتي
ـــــــــــــــــــــــــــــــــــ

حنان الشافعي
-------------
متشوفيش وحش يارب .. انتي اكتر والله وعلى بالي على طول
انا مبقصدش والله ابعد عن الناس كل ما في الامر اني بناااااااااااااااام فببعد غصب عني .. موش بمزاجي
وطمنتك اهه ملكيش حجه
وعلى فكرة مش نادر التسامح .. تقدري تقولي منعدم :((
والله يبارك فيكي وادعيلي بئى التيرم التاني يبئى تمام

نورتيني ياقمره
ـــــــــــــــــــــــــــــــــــ

momken
---------
هما يحبوا بعععععععععض
ويسلملي مروركـ

دمتـ بود
ـــــــــــــــــــــــــــــــــــ

romansy
---------
الله يسلمك يارب
وربنا استجاب لدعواتك همتك معانا بئى التيرم التاني :))
هحاول ميزعلوش تاني .. ربنا يهدي الحال

تحياتي
ـــــــــــــــــــــــــــــــــــ

adel
-----
انا عارفة يعني هو انا اللي وقعت من قعر الأوفه
الله يسلمك .. ويبارك فيك
المهم انت اخبارك ايه لسه متضايق ولا فكيت
ـــــــــــــــــــــــــــــــــــ

دينا حامد
-----------
الله يبارك فيكي ياقمر ,, عملتي ايه في نتيجتك؟!
يارب تكون تمام
اما بالنسبة للبوست .. فياريت ده يكون موجود
ـــــــــــــــــــــــــــــــــــ

هنودتي
-------
نفسي اضربك او اعضك .. اي حاجة ومتسأليش ليه .. والكورس طلع وجبت بونو بالغيظة فيكي .. وحاجات ايه يام حاجات انتي .. وحياة التيتشر خليني ملمومة .. بقولك هتضربي
وخليكي كده مش فاهمة انا وانا بكتبه قولت يارب هند متفهمش ,, ومش عارفة ايه هى بس هو في بلطجة يعني من الاخر وازاي اول مرة تحسي انك غبية معقول!!!!
مانتي كده مبتفوقيش الا عليا .. ياقدري واحلى قدر
وياهبله التعليق اتحفظ واتنشر اهه .. بس احسن انك اترفزتي عشان تبطلي تفوقي وتروقي عليا
وبعدين تجديد ايه يابنتي ماطول عمرها كده .. انتي شكلك شاربه شاي بلبن روحي اغسلي وشك ياماما بمية ساقعة يمكن تفوقي .. مسطولة
ـــــــــــــــــــــــــــــــــــ

رنــــــدا
------------
وحشاااااااااااااااني من دلوقتي لبكرا بليل وحشاني وحشاني وحشاني
والله يبارك فيكي وعوبال ولادك كده يارب تشوفيهم في احسن حال واحسن المراكز
لا محدش بيصالح حد دوول اتنين من كوكب تاني كده سيبك منهم دي عالم هبله ياشيخة
وحضن تخين خاااااااااالث لماما رندا حبيبتي :-))
ـــــــــــــــــــــــــــــــــــ

بيرم المصري
------------
ازي صحة حضرتك يارب تكون تمام
والله ان جيت للحق نفسي اجيب عيل احط فيه كل القيم واطلعه راجل ,, بس انت ادعيلي .. دمت بخير

آه وكفى يقول...

نهر الحب
----------
طبعاً الكلام الجميل ده
لازم يكون من نهر الحب
:-))

ـــــــــــــــــــــــــــــــــــ

هى فوضى
---------
اللي بيحب بجد قلبه ميستحملش الزعل

اتمنى تكرار الزيارة

ـــــــــــــــــــــــــــــــــــ

L0vElYGh0sT14
----------------
والله يابن الناس ومنغير مااطول عليك قول طولي انا شخصياً من رأيي يودوني اي كوكب اعيش لوحدي ويسبوني في حالي مش عشان انا خسارة فالبلد ولا حاجة بس عشان انا تعبت من البلد واللي فيها
بس خلاص

ـــــــــــــــــــــــــــــــــــ

نعكشة
------
والله انتي اجمل ده بالنسبة لتعليقك على البوست

اما بالنسبة للامتحانات بالحمدلله نجحت في الكورس كمان .. عوبال التيرم التاني ياااااااااااااااااااارب

نورتيني ووحشتينييييييييي