السبت، 3 يناير 2009

هذيان ليلي


أدركُ بأن غيظاً من الهموم إتكأ حيثما قلبك
ولكم أود لو استطيع الحديث معك , عنك , و فيك
فلعل لديكـ مساحةً تتسعُ همومنا سوياً

أحبك حيثما كنت
برغم كثرة الفواصل فيما بيننا
أحبك حينما أشاء
كيف ما أشاء
وأنا أشاءُ لو أحبك فوق المرةِ ألاف المراتِ
ومن بعد عمرٍ الفَ عمر

ألا شئت !! ؟

أتذكر..

ها القلبُ بعثرتهُ فوقَ حقائبك
احفظهُِ كي لا يتلاشى
الوقتُ الفاصلُ ما بين النوى والنوى
يُغرقهُ , يخنقهُ , يغثيه ..

فلتـُنجيه


يا رعداً ثقبَ غـيمةً فاجهض دمعي ..


هناك 42 تعليقًا:

غير معرف يقول...

ya wad ya wad 3la el klam a el a7ses de el gmda de wallahy gmda awyyyyyyyyyy
kman el esm gmeel
"هزيان ليلى"

Frasha

Kiara يقول...

جاااامده بجد

كل سنه وانتي بخير

Empress appy يقول...

نور دمعتى عيونى على الصبح وانا واخده وصله عياط امبارح فى الجون بس انا دمعه من رقه كلامك بجد مع انى مليش فى الشعر ده

seven يقول...

مش هقلك غير تفوقتى على نفسك
احسن حاجة بحبها فى كتاباتك
حتى لو بتعبرى عن موقف ضعف
بحس فيه برده بالقوة
ويمكن ده اللى بيميز كتابتك
ربنا يحفظك

seven يقول...

بجد تفوقتى هلى نفسك
وبجد اكتر حاجة بتعجبنى فى كتبتك
انى بحس انها حتى لو بتعبر عن
وضع بتحسى بيه بالضعف
برده فيه قوة
مش عارف بس الاحساس ده بيوصلى ديما

صباح الصباح يقول...

اعجبنى كثيرا تعبير (بين النوى والنوى) احس ان الرياح الشديد تكاد تقتلع البوست من الجذور من قوة التعبير

تحيااتى

دينا حامد يقول...

كررتي حيثما
رديتها لك اهو

كلامك جميل جدا

أحبك حيثما كنت
برغم كثرة الفواصل فيما بيننا
أحبك حينما أشاء
كيف ما أشاء
وأنا أشاءُ لو أحبك فوق المرةِ ألاف المراتِ
ومن بعد عمرٍ الف عمرٍ

اعلق اقول ايه بعد الكلام ده
برافو عليكي بجد

تحياتي

نعكشة يقول...

ساعات الواحد بيبقى واقف كدة مش عارف يعمل اية
فيه ظروف بتبقى غريبة بتطرأ
و فيه احداث بتبوظ حاجات كتير

اهم حاجة في الموضوع الصبر و الصمود

خبر خبر

بخرف انا صح

يلا سلام عليكِ

حروف يقول...

حلو جدا بجد ربنا ييسر الحالكلسنةوانتي طيبة كلماتك فيها مزيج من القوة والضعف بوست جميل

Unknown يقول...

وتقولي عليا أنا الي فنان ومبدع وبكتب حلو والله انت غلبتيني بجد
النص ده مش بس عجبني والله ده أنا لو ناقد أدبي ولا في لجنة تحكيم لأخليه يفوز طبعا ده نص اختلطت فيه المعاني بصدق المشاعر بوصف ذلك بطريقة أدبية عظيمة لمعرفتي بأساليب الأدب أو بعضها أحيكي بشدة على هذا النص
يمكن يكون جه معاكي كدا زي ما بيقولو بتيجي مع ال..... تبارك هههههههههههههه بس طبعا أكيد لأ وانت فنانة زي ما انا حاسس
ربنا يكرمك ويوفقك
كل سنة وانت بألف خير وغيابك سامحتك عليه بس عشان جمال كلامك

!!! عارفة ... مش عارف ليه يقول...

عندي سؤال يا نورة

ليه مفكرتيش تعملي

مدونة تنشري فيها رسوماتك ؟؟؟

ياريت تاخدي الموضوع بجدية

لأنك موهوبة بجد

وكلنا هنستفيد من موهبتك دي

---------------

كم نحتاج كلماتك

هذه والان تحديداً

كل يوم نستيقظ

على مزيد من الجثث

شكراً لهذه المساحة

لالتقاط الانفاس

حتى نستطيع تقبل المزيد

تحياتي
وليد

momken يقول...

جميل جميل

رائعه فعلا
بس حزينه جداً

دمتى مبدعه

تحياتى

روابط يقول...

الصديقة نور.. أعتقد أنه أسمك

أعتقد رغم صغر سنك ان موهبتك ناضجة نوعا ما, لست بناقد ولكنى أعرف الشعر الجيد حين آراه

تحياتى

روابط يقول...

على فكرة عجبنى جدا الشطر القائل
ـ ـ ـ ـ ـ

أحبك حيثما كنت
برغم كثرة الفواصل فيما بيننا
أحبك حينما أشاء
كيف ما أشاء
وأنا أشاءُ لو أحبك فوق المرةِ ألاف المراتِ
ومن بعد عمرٍ الفَ عمر

واحد من البلد دى يقول...

السلام عليكم

ما أبلغها و أعمقها تلك التدوينة


سلمت يداكى

مجــنونكـ يقول...

عشان انا مش شاعر زيك ولا بعرف اقول بياع كلام كده برضك زيك فهاخد جملتين من كلامك ارد بيهم عليكي واقولك

لو أن جرح قلبي سكنك ليوم واحد لقتلك

غير معرف يقول...

حلوة قوي
تسلم افكارك وكيبوردك

adel يقول...

اه ه ه ه ه ه
---------------
أحبك حيثما كنت
برغم كثرة الفواصل فيما بيننا
------------------
انا كنت ناوي اقللك كلام حلو

بس بصراحة مش قادر

انا وجعيتني الجملة قوي

------------------
بجد كلامك مايوصفش ......شكرا قوي للكلام الجميل ده

حروف يقول...

انتي فينك من زمان

Hanan Elshafey يقول...

زياره اولي
شرفتيني بزيارتك
توقعت ان اجد موهبه
وجدت فطرة موهوبه
دمتي بنعمة الاحساس
ودمتي بضعف القوه

عماد يقول...

ممكن إعلان لو تسمحى ؟

أمينه و ساره , سامحونا

http://somethingforthesoul.blogspot.com/2009/01/blog-post.html

محمد عتلم يقول...

انا جيت ازورك فى مدونتك عشان اعرف انتى مين
لقيت كلام جميل جدا وتستحقى فعلا صور حلوه

Beram ElMasry يقول...

ابنتى . آه وكفى
اهلا بك ومرحبا صديقة جديدة وذكية ، وشكرا على التعليق
من عادتى زيارة من يزورنى واقرا بامعان ما يكتب واعلق فى حذر خوفا من اغضاب احد ، ولانى عجوز فانا اقرا بالعدسة ، وكانت دهشتى عندما حاولت اخذ نسخة لتكبيرها لتيسير عملية القراءة ظهور رسالة تقول ان لم تستحى ،لا حول ولا قوة الا بالله ، ومع ذلك قرات فاعجبنى جدا هذا المعنى ( يا رعدا ثقب غيمة فاجهض دمعى )
كذلك هذه الصورة جميلة ( اشبعتك حبا / وحرفا / ونزفا / وعشقا . . . . ومع هذا مت على باب قلبك .. جوعا
وبصفة عامة مدونتك واضحة بعيدة عن الخلفيات والالوان المختلطة والمتضاربة وموضوعاتك محددة وقصيرة تغرى بالقراءة بعيدا عن الملل والتطويل
تحياتى

فشكووول يقول...

آه وكفى .. تحياتى
والله يا بنتى انا عايز اقول آآهين .. من الدنيا اللى احنا عايشينها .. خواطرك يا آه وكفى جميله واحساسك عالى جدا
ويا ابنتى .. انا مش دارس تاريخ ولا حاجه .. انا بكالوريوس تجاره من ايام حفر قناة السويس .. وحبى للتاريخ هوايه وجائت بالصدفه .. يعنى قولى كدا بقت احتراف لكن لا امارس هذا الاحتراف .. يعنى لا بدرس تاريخ ولا لى اى عمل متعلق بالتاريخ .. بس من كتر قراؤاتى فى التاريخ اقدر اتكلم زى المحترف وساعات اكتر من المحترف .. وانا عارف طبعا ان دراسة التاريخ رخمه وخصوصا ارقام السنوات ةالتسلسل الزمنى والتاريخ للحقب الزمنيه .. لكن من كتر قراؤاتى بقت الحاجات دى بتيجى معايا بسهوله لانى قارئ حوالى 70 كتاب فى التاريخ ويمكن اكتر وموسوعات وسلاسل تاريخيه .. واقرأ فى نفس الموضوع لاكتر من كاتب .. بس القراءات بتكون بمزاج.. مش اجبارى زى المزاكره.. ولو عايزه تقرى موضوع كويس اقرئى اكتر من كتاب لاكثر من مؤلف فى نفس الموضوع .. الموضوع بقى اللى مدوخنى ومطلع روحى انى مش عارف الم الثوره الفرنسيه وكشان كدا ناوى اضرب كدا كام كتاب عشان الم الموضوع ده .. ولو عايزه اى حاجه انا تحت امرك ..
طولت عليكى .. السلام عليكم

فشكووول يقول...

تصدقى اول تعليق عندك دمه خفيف بتاع الغير معروف

فارس القمر يقول...

دمتى مبدعه

كلمات جميله جدا

دمتى بخير

Beram ElMasry يقول...

ابنتى . آه وكفى
اسعد الله مساءك بكل الخير يا ابنتى الكريمة ، زرت الان مدونتك فوجدتك صادقة ووفيت بما وعدت ، وهذا يدل على علو همتك رغم صغر سنك ، واشكرك على هذا الكرم وسمو الاخلاق ، فافعلى ما ترينه صواب للحفاظ على اعمالك وصورك فى مدونتك اللتى تغرى بالسرقة ، لجمالها فعلا
خالص تحياتى

فشكووول يقول...

ازيك يا آآآآه وكفى
انت ما طولتيش على ولا حاجه وما تتأسفيش على التطويل انا اكون سعيد جدا لما بنت من بناتى او شاب من اولادى يقعد يتكلم معايا ونتناقش ونكتب ونختلف كمان مع بعض ..
وعلى فكره انا بحب الرسم جدا ولو شفتى البروفايل بتاعى تلاقينى بحب الرسم والموسيقى واللحمه .. وبرسم بورتريهات جميله جدا وبرسم مناظر طبيعيه بالزيت .. بس سبع صنايع والبخت ضايع .. تحياتى

غير معرف يقول...

تعرفي دايما بيعجبني احساسك وتعبيراتك في الكتابه , بتبقي اشبه بمزيج بين الابداع والهذيان والجنون ..

بعض تعبيراتك بتبقي مش سهله التركيب والمعني لكنها بتحمل قوه تجعلك تتنح اعجابا

يا رعداً ثقبَ غـيمةً فاجهض دمعي .. انا مفهمتهاش اوي بس عجبتني

سلاممممممممم

Unknown يقول...

يابنتي انتي ملكيش حل فعلا
شاطره في كل حاجه كده ما شاء الله
انتي جميله يا نورا والله وكلامك جميل زيك
مش بعرف افصص الكلام بس مش بكتب تعليق الا لو فعلا حاجه عجبتني
وكلامك ومدونتك عجبوني اوي

blue-wave يقول...

حلو الكلام
بس على فكرة
هذيان مش هزيان:))
تحياتى

آه وكفى يقول...

Frasha
------
يلا يابت اجري العبي فأي بلوج تاني مش عايزيين وجع دماغ .. هتصحبيني ولا ايه على اخر الزمن هصاحب شوية عيال .. وياواد ياواد وبتاع ايه طولة اللسان دي P:
ازيك يافروشتي عاملة ايه واخبار الامتحانات ايه .. وبعدين هو انا نزل البوست اول وحدة الائيها فوشي انتي .. كنتي واقفة على باب البلوج ياساتر يارب .. نورتيني ياقلبي وألعبي زي مانتي عيزة البلوج بلوجك .. بس لو كسرتي حاجة هتدفعي تمنها :0))

ـــــــــــــــــــــــــــــــــــ

كيــــــــــــارا
-----------------
ميرسي ياحبيبتي .. وكل سنة وانتي بخير وسعادة ودائماً منوراني

ـــــــــــــــــــــــــــــــــــ

~*§¦§ Appy §¦§*~
-----------------
مش شرط يكون ليكي فالشعر عشان تتأثري بيه دي مجرد خواطر .. انتي دمعتي من رقتك ياايبي واسفة ياحبيبتي

نورتي ياقمر

ـــــــــــــــــــــــــــــــــــ

seven
------
سفن ازيك ياصاحب صاحبتي عرفت من فراشة ان الامتحانات مجنناكم ربنا معاكم يارب وادعولي انا كمان.
وميرسي اوي عالكلام الجميل و والله يابني ماضعف ولا حاجة ده انا غلبااااااااان
بس سؤال رفيع ليه التعليق مرتين انا نشرته التاني عشان لئيت جملة زيادة

ـــــــــــــــــــــــــــــــــــ

صباح الصباح
------------
فعلا الفترة اللي بينهم بتدمرني .. نورتني

ـــــــــــــــــــــــــــــــــــ

دينا حامد
---------
لا تكراري غير تكرارك .. ده حرف جر لابد منه لكن التانية كانت كلمة .. وبعدين مرديتهاليش عشان انا جبتلك كلمة مكان التانية لكن انتي بئى هاتيلي حاجة بدل حيثما P: الرخامة هتشتغل مهو مبروم على مبروم مايرولش

وميرسي عالتشجيع الشنيع .. مستنية جديدك

ـــــــــــــــــــــــــــــــــــ

نعكشة
-----
هههههههههههههههه
مالك يادكتوره صحيح فيه ايه .. شكلك تعبان لينا كلام مع بعض .. انا مبئوئة منك على فكرة عشان انتي قافلة الكومنتز الكلام بياكولني
ابئي تعالي خترفي البوست الجاي ها اوعي متجيش

ـــــــــــــــــــــــــــــــــــ

حروف (دلو مرة ثانية وجرح ثاني سابقا
------------------------------
أهلا وسهلا وكل سنة وانتي اطيب
على فكرة انا كل ما اكتب كلام احاول ابان فيه غلبانة الائيكو برضو بتقولولي قوة .. والله دانا اغلب من الغلب

دمتي بخير

ـــــــــــــــــــــــــــــــــــ

كاتب مصري
----------
من بعض ماعندكم ياباشا
على فكرة معلومة بلا اي غرور بالعكس انا وشي فالارض
انا في موضوع الادب والنقد الادبي ده ماقولكش .. أوله .. هى بس بتيجي مع الهبل زي مابتقول
ومتشكرة عالتسامح ده بسالظروف بنت الـ...

دمت بود وسأنتظر ابداعك دائماً

ـــــــــــــــــــــــــــــــــــ

عارفة مش عارف ليه
------------------

والله يابني الناس كلها بتقعد تقولي اعملي بلوج للرسم ابعتي للجرائد روحي اشتغلي فاي داهية انتي بتعرفي ترسمي .. لكن انا هقولك السبب .. انا برغم ان مخي صرمة قديمة مرمية في خرابة ملعوب بيها 60 ماتش كورة على الاسفلت .. الا اني بتأثر بوالدتي جدا الكائن الوحيد اللي مش بعند معاه فالدنيا دي وهى عمرها ماشجعتني فالحكاية دي لدرجة انها بلغ من تشجيعها ليا انها بترميلي كل اللي تطوله ايدها في موضوع الرسم .. فبيني وبينك بعت القضية بئى.
اما موضوع كلماتي فانا فعلا مش قادرة اكتب ولا حرف بخصوص الموضوع ده وجايلي قرفة شنيعة فعشان كده قولت مش هبئى انا والاعلام وباقي بلوجر عليكم تعالوا هنا هدوا اعصابكم شوية .. بعت القضية برضو .. هايلة أنا.
نورتني ياوليد وبتسعدني بزياراتك دائماً اللي بستناها

ـــــــــــــــــــــــــــــــــــ

momken
------
كلامك أجمل
بس سؤال ايه في حياتنا مايحزنش
دمت زائر كريم

ـــــــــــــــــــــــــــــــــــ

حازم سويلم
-----------
أنتو بتعرفوا الحكاية دي منين
وعرفت صغر سني منين
يادي الفضايح دي :0))
بس انت بجد شاعر جامد جدا
ومبسوطة اوي ان الكلام عجبك
وان الشطر ده كمان عجبك
انا عمري ماكتبت حاجة وعجبتني
نورتني واتمنى تكرر زيارتك الجميلة دي

ـــــــــــــــــــــــــــــــــــ

واحد من البلد دى
------------------
خالو عندنا .. ايه النور ده كله
متشكرة جدا عالبؤين الحلوين دوول فحقي ويارب اشوفك هنا البوست الجاي
أسعدتني زيارتك بجد

ـــــــــــــــــــــــــــــــــــ

مجــنونكـ
----------
ايه يابني حاططني فوق راسك وزاعق ليه بجد انا بزعل من الكلام ده .. بتحسسني اني ......
ووحش اوي لما حد يبئى بوزك في بوزه 11 سنة ويقولك الكلام ده .. دانا زي بنتك ليه كده ياضنايا

ـــــــــــــــــــــــــــــــــــ

مصطفي ريان
-----------
يحلي ايامك وتسلم زيارتك يارب ووجودك

ـــــــــــــــــــــــــــــــــــ

adel
------
سلامتك من الاه ياعدولطوالعفو ياسيدي ان كان واجب الشكر فده علينا احنا عالزيارة والكلام الحلو ده
نورت ياغالي

ـــــــــــــــــــــــــــــــــــ

حروف (دلو مرة ثانية وجرح ثاني سابقا
-------------------------------
والله اناموجودة من ساعة نااتولدت هو مش كتير اوي يعني كلهم 19 سنة بس انتي اللي مكنتيش بتيجي من زمان :0))
نورتي ياجميلة

ـــــــــــــــــــــــــــــــــــ

حنان الشافعي
------------
دانا اللي اتشرفت بزيارتك واستمتعت بوجودي في مدونتك الرائعة .. ومتشكرة جدا عالكلام الحلو ده اللي بيدل على ذوقك .. واتمنى دائماً تنوريني وتديني رأيك
وموضوع ضعف القوه ده والله جايبلي الكافية كل شوية الائي حد يقولي نفسي أرنك علقة موت
دمتي بكل ود

ـــــــــــــــــــــــــــــــــــ

somethingforthesoul
-------------------
برغم اني مبحبش اعلانات لكن الموضوع انساني .. ربنا يسامح الجميع

ـــــــــــــــــــــــــــــــــــ

محمد عتلم
---------
متشكرة اوي يااستاذ محمد .. انت فنان راقي جدا بجد .. كان حلمي ابئى زيك فيوم من الايام واشتغل في الصور والديكور عموماً بس الله يسامح اللي كان السبب

ـــــــــــــــــــــــــــــــــــ

Beram ElMasry
-------------
أستاذي وابي العزيز ببيرم لا اجد كلمات تعبر عن وصف شعوري بساعدتي لزيارة حضرتك الكريمة لي واعجابي بمدونة حضرتك
انا اعتذر بشدة عن موضوع الرسالة التي ظهرت ولكن لم اقصد بها الزوار الكرام ولكن قصدت بها اشخاص اخرون سبق واخبرت حضرتك عنهم .. ومع ذلك وحرصاً وتقديراً لزيارة حضرتك الجميلة لي وقراءة كلماتي فانا حذفت الرسالة
وانا كمان فعلا بتضايق جدا من الالوان والمدونات الزحمة عشان كده بفضل الخلفية تكون بيضاء والكلام يكون واضح

أسعدتني زيارتك واتمنى ان تشرفني بتكرارها

ـــــــــــــــــــــــــــــــــــ

fashkool
---------
طب حضرتك تقول اهين حقك .. لكن جيل منيل زيينا داخل على ايام مهببه يقول ايه .. جااااااي
اهلا بحضرتك يااستاذ فشكول ايه الاخبار انشالله بخير وتكون المشاكل العائلية اتحلت والله دعيتلك .. ومتشكرة اوي عالكلام الرائع.
وحلوة من ايام حفر قناة السويس دي .. ومتشكرة اوي لحضرتك على انك عايز تساعدني بس المشكلة اني حسة اني عيزة معجزة من السما مش حد يساعدني عندي اول مادة حروب صليبية وما ادراك ماحروب صليبية .. متفكرنيش
ومطولتش ولا حاجة انا بفرح بالتعليقات دي جداً
وعلى فكرة انا كمان بفرح لما الائي حد في عالم التدوين في سن حضرتك عاصر حاجات انا ماعشتهاش لأني للاسف والدي اتوفى صغير جدا وجدودي الاتنين برضو اتوفوا من زمان (مش عارفة انا قاعدة اعمل ايه فالدنيا والله) يلا امر الله بئى هنعمل ايه
اتمنى تكون البلوج عجبتك واشوف حضرتك هنا تاني محنا طلعنا ميولنا تاريخ ورسم(والله انت راجل زي السكر عشان مش عامل زي الناس اللي بيكبروا ويكلكعوا) ربنا يخليك لولادك يارب ويحميهملك .. بس بخصوص اللحمة مبحبش اللحمة الضاني خااااااااالص .. الكاندوز والحاجات التانية ممكن
وعلى فكرة مش انت لوحدك كل اللي بيبئوا 7صنايع بيكون بختهم ضايع .. مهو محدش بياخد الشطارة والحظ مع بعض .. وياريتها نافعة الشطارة

نورت

ـــــــــــــــــــــــــــــــــــ

فارس القمر
-----------
ودمت فنان ودام قلمك .. تحياتي

ـــــــــــــــــــــــــــــــــــ

الفارس الملثم
------------
ايه ياعم المختفي .. عندك امتحانات تاريخ ولا ايه .. متغبش كده بدل ما ابعت ألب ارسلان بجيوشه يكسرلك البلوج باللي فيها وانا عارفة انك مش سايب حامية عسكرية يعني هفتحها هفتحها.
هى فعلا كلماتي كده .. وبلاشي الي يفهمها ويرفعها السما ودوول الي بيفهموا بس والائي برضو اللي يقولي خير نعم عايزة ايه حضرتك ودوول ببئى نفسي اخنقهم.
وازاي مفهمتش يابو المفهومية
مش الرعد ده قوته جبارة .. ثقب غيمة يعني سحابة والسحابة دي بتنزلنا مطر فقوته خلت حبيبته تعيط بس كده
شوفت منغير لاسحر ولاشعودة
ادعيلي يامحمد عندي يوم 11/1 حروب صليبية .. إهئ

ـــــــــــــــــــــــــــــــــــ

لماضة
-----
العيد فرحة .. ياسلام .. وأجمل فرحة .. ياسلام .. عشان انتي هنا .. يالماضة
ازيك يالماضة .. فرحانة اوي انك هنا
بجد البوست ده فيه كم ناس اسعدوني لدرجة اني هبروزه
على فكرة كنت اتمنى ابئى مبعرفش اعمل اي حاجة لكن للاسف والله مش مدح في نفسي لكن بجد لما بحط مناخيري فحاجة اسرع وحدة اتعلمها .. دانا حتى 19 سنة وبتقن لغتين انجليزي وايطالي .. شوفتي بئى .. يعني مش رسم وشعر بس .. بس تعرفي فعلا دي حاجة مقرفة جدا كنت اتمنى مكنش كده .. يمكن بتعلم الحاجة لأني بحس اني عمري قصير فمش عايزة اضيع منه كتير.. مش عارفة
المهم انافرحانة اوي بزيارتك وياستي ابئي زورينا وارمي السلام وماتعلقيش على الهطل اللي مكتوب مش هنزعل
سلام ياقمر

ـــــــــــــــــــــــــــــــــــ

blue-wave
----------
ممممممممم
غلطة مطبعية من عامية بتكتب
ماعلينا .. جاري التصحيح
ليه ياضكتور كده
حد يحرج انسه في سني قصاد 80 مليون مصري
طب خدني على جنب وقولهالي وتبئى بجميلة
شكرا يادكتور عالزيارة والكلام
واتمنى تكون هنا دائماً

dr. Ahmed Sakr يقول...

ما شا ءالله على الإبداع

كل سنة وأنتى طيبة أختى الكريمة

دعاء مواجهات يقول...

ياة عليكى يانور

بجد يابنتى انتى جواكى كتيير اوى

ماتيجى اعملك كتاب

ههههههههههههههههههههههههه

فاكراها دى

عاوزة اشوفك تانى بقى ..

بيس يا قمر

Tamer Diab يقول...

ياريت في حد بيوصل للأفلاطونية دي والله
للأسف الحب الافلاطوني أنتهي
ولم يبقي سوي الذات عند كل الذوات

غير معرف يقول...

ايون الحروب الصليبيه دي كنا بنخدها في تالته , حتي وقتها كانت في رمضان وكانوا جايبين وقتها مسلسل عن صلاح الدين , انا بقي كنت اتلكك واتفرج عليه قال بذاكر يعني

هي كانت ماده شيقه بس دسمه تجيب عسر هضم شويه هههههههه

ربنا يعينك

فشكووول يقول...

يا آهين .. تحياتى
مش قوى كدا يا بنتى .. هونى على نفسك .. شوفى لما يبقى لك اخ ولا اخت وعامل فيك عمايل مهببه .. حتعملى ايه .. مش حتقدرى تكرهيه .. دا قدرنا احنا المصريين فى اخوانا العرب من اولهم لآخرهم .. هما عايزينا نشيل عنهم كل حاجه وهما يتمتعوا ويتبغددوا وخلاص ولا يساهموا بأى حاجه .. لكن مصر ممكن تعمل لهم اللى هما عايزينه .. بس مش كدا روحوا حاربوا انتم وموتوا انتم وجوعوا انتم وخلاص .. ممكن يبقى فيه تكامل .. يعنى هما يبقى عليهم السلاح والعتاد ومصاريف الحرب .. ماهم مش عارفين يودوا الفلوس فين واحنا ممكن نحارب .. يعنى تكامل ... لأ هما مش عايزين كدا .. هم عايزين روحوا يا مصريين يا ولاد الهرمه موتوا بدالنا وجوعوا بدالنا .. احنا مالناش لا فى الموت ولا فى الجوع .. الموضوع ممكن يكون تكامل البلد اللى ناقصه حاجه تكملها من البلد اللى عندها الحاجه دى وهكذا .. وبعدين العرب جرب
تحياتى

سابرينا يقول...

أحبك كل العمر .......نصف العمر.......شوية عمر
القليل منك يكفي
____________________
بوست يتلألأ في عز الشتا

مجداوية يقول...

أنا مش فاهمة موقفك ايه بالظبط
عند آبي تقولي :

حلو اوي المقال .. وبيوجع اووووووي
وبيفوق
ياريتني كنت بعرف عبري بس لسه مبدأتش فيه بس نفسي اتعلمه
لكن للاسف لسه شوية لكن هحاول جاهدة اساعدك فالموضوع ده




وعند فشكول تقولي على حماس:

وحماس دي بنت جزمة هى كمان عشان رايحة تضرب ومعرضهالي اوي وهى ولا معاها حتى مسدس مية تقاوم بيه فالحة بس تقول هعمل وهسوي بوء على الفاضي.

ليه كده !!!!!!!!!!!!!!!!

آه وكفى يقول...

الحشرى
-----
متشكرة اوي ده بس من ذوقك
وكل سنة وانت اطيب وبأحسن حال يارب

ـــــــــــــــــــــــــــــــــــ

دعاء مواجهات
------------
ماشي ماشي اتعلمتي تقطعي في فروة الناس
هنروح النار على فكرة
ههههههههههههههههه
اخلص امتحانات ونتقابل بأذن الله
ادعيلي بس تعدي على خير ومتكدرش

ـــــــــــــــــــــــــــــــــــ

Tamer Diab
-----------
حقيقة!
انا نفسي عمري ماوصلتله .. ولا حبيت اصلا
بس مايبئاش من كلو
لا على الحقيقة
ولا على الورق

ـــــــــــــــــــــــــــــــــــ

الفارس الملثم
------------
حتة امتحان يابني ماقولكش
اربع اسأله نحل اتنين وتمام التمام
هو كان طويل شوية بس مش مشكلة .. كان مباشر .. كتبتله 7صفح اياك ميدنيش تقدير عدل

ـــــــــــــــــــــــــــــــــــ

fashkool
----------
ههههههههههههههه
حلوة اهين دي .. انا اسمي نوره على فكرة .. بس جامدة
والل هو ده رأيي بالظبط يااستاذنا .. بس مين يسمع ومين ينفذ بدل محنا عمالين نتلطش كده
يلا هنعمل ايه بئى .. بحس انهم بيقولولا من جواهم تتحرق فوفا اكتر ماهى محروقة
وعلى رأيك العرب جرب
تحياتي

ـــــــــــــــــــــــــــــــــــ

sabrina
---------
فعلاً .. القليل منه يكفي
أحيكي على انتقاء مفرداتك

ـــــــــــــــــــــــــــــــــــ

مجداوية
------
نورتيني بأول زيارة لو انك متحاملة شويتين عليا .. بس انا رديت على حضرتك في مدونتك واتمنى تفهمي الموقف

dodda يقول...

نوره
انتى عارفه انى بحبك
وبيعجبنى كتاباتك

وبكل صراحه انا زعلانه منك اوى

لنفس الاسباب اللى فى تعليق مجداويه
ده غير تعليقك عمدى اللى استفزنى جدا
ومع كده رديت عليكى بشويش لانى عارفه
انك لسه صغيره

انا فى حاجه واحده عاوزه اقولهالك
"من حسن اسلام المرء تركه مالا يعنيه"
يعنى اللى مافهمش فيه متكلمش فيه
او اقرا واتعلم وبعدين اتكلم
واخر بوست عند مجداويه تروحى تقرى بروتوكولات صهيون كويس
بس خلاص

غير معرف يقول...

Bma en el blog blogy ya nour ya s7bty
ana bst2znek bas ashkor Mr. Fashkool :D
Thnx ya Mr. Fashkool 4 your comment w f3lan el klam dah bgd mosh bgamel 3shan nour s7bty wala 7aga bas f3lan ana 3gbny el e7sas gedan
thnx again ;)
Thnx kman leeky ya 7oby ""Nour""

Frasha