الاثنين، 12 يناير 2009

الحمدلله..نملك ۲۲ نارسيس

نارسيـس

أثنان وعشرونَ أختاً أشقاء

كـُلهم نارسيس

نفس الأبْ .. نفس الأمْ

ورثوهم كروموسوم خبيث

يُدعى الأنـــا

و تــاريخ ٌ حافلٌ بـ نرجسية

لا ضفاف لها

ما أجملها

ما أوسمها

ما أشهاها

يعبدونَ انفسهم حقَ عبادة

تتأملُ الواحدةُ منهم مرآتها

وتصيحُ مِن الاعماق ِ

ياسُبحاني .. ياسُبحاني

ما أجملني

ما أوسمني

ما أشهاني

***

نارسيس .. رسمها كارفاجيو وفيها يتطلع نارسيس لجماله ويفتن بحب نفسه

هناك 33 تعليقًا:

رئيس جمهوريه نفسى يقول...

عندينا 22 نارسيس كان محصلتهم كام شبيه بيهم وانتجو كام

Beram ElMasry يقول...

ابنتى . آه وكفى
بينى وبينك الواد نارسيس شكله حلو قوى وانا لو شكله كنت ادوس رقاب العباد
ياريت تغيرى كلمة يا سبحانى
وانا شاكر جدا بس ارجوك المذاكرة مهمة جدا
ولك تحياتى

dodda يقول...

حلوه حلوه حلوه

تحبى اعضك والا املص ودانك؟؟؟؟

Hanan Elshafey يقول...

حلو اوي يا نور
ياااااااارب ما تخليني نارسيس ابدا
ابعتيلي ايميلك لو ممكن
امال هنبقي اصحاب ازاي بقي

adel يقول...

ااقول ايه بس .... اعلق علي الكلام ولا الصورة

ممممممممم

ولا المعني....

22 ماريسيس دول كده فريقين كورة

ههههههههه

ما علينا .....

بجد تحفة قوي....

انا بعلق بسرعة عشان عندي امتحان بكرة

و انتي عارفة يوم الامتحان
يكرم المرء او يسرح ببدنجان :):):)

بس خلاص ... يقول...

حلو عنوان مدونتك وكمان محتواها اجمل واجمل
دعواتى لكى بكل التوفيق
تقبلى مرورى

romansy يقول...

الاعجاب بالنفس
مش كويس


وكمان الجمال مش كل حاجه

نعكشة يقول...

هيا مش في الجينات يا بنتي
لإن بما ان العرق يمد لسابع جد
فإن الجينات مفروض انها نظيفة
المشكلة في التربية
علشان كدة الفكرة كلها لو عايزة جيل كويس دلوقتي

انك انتي تبدأي تربي صح

يلا خير

سلام عليكِ

غير معرف يقول...

السلام عليكم


عقبت على تعقيبك عندي وان معجبكيش ردي اللي على أدي ((( ابقي هاتي حد متعمق أوي وبيفهم عشان ميغلطكيش في حاجة)))

وعلى فكرة أنا مش متحاملة عليكي بالتحديد أنا متحاملة على الدنيا كلها دلوقت

عشان تكملي علمك الواسع اقرى قرآنك بتدبر

وفي الآخر وبعد كل العلم ده فنحن لا نعلم الا قليلا

آه وكفى يقول...

رئيس جمهوريه نفسى
----------------
338.621.469 نسمة في تقديرات عام 2007دي اخر حصائية سامعيين فيها يافندم

ـــــــــــــــــــــــــــــــــــ

Beram ElMasry
---------------
ابي العزيز بيرم
لا مش حلو ولا حاجة حضرتك احلى .. مهو الحلاوة حلاوة روح واخلاق
اما بالنسبه لكلمة سبحاني
فبذمتك مش هما عاملين كده .. حتى انت قايل فاخر بوست عندك مبيعملوش اي حاجة
وانا اللي شاكره لزيارة حضرتك .. ومتخفش على المذاكرة .. انا من النوع اللي ألعب بضميييييييييييير واذاكر برضو الحمدلله بضمييييييييييييير برضو والوقت اللي بقضيه على بلوجر هو الوقت الفاضي اللي عندي وانشاء الله افرحك قريب بالنتيجة بس دعواتك

تحياتي

ـــــــــــــــــــــــــــــــــــ

dodda
------
يعني شوفي حضرتك اللي يريحك .. بس انا افضل مشيها ودان وافعصي في القرقوشة زي مانتي عيزة عشان العض ده تخصص ماما

ـــــــــــــــــــــــــــــــــــ

حنان الشافعي
--------------
أهلا بالقمر
ويحلي ايامك
امين يارب
حاضر هبعتلك ايميلي لو ممكن .. بس انا اليومين دوول م بفتح الماسنجر كتير عشان النيلة الامتحانات .. فاعذريني وادعيلي

نورتي ياعسل

ـــــــــــــــــــــــــــــــــــ

adel
-----
يعني اللي تجود بيه حضرتك :0))
اه فعلا فريقين كوره هو ده اللي هما فالحين فيه .. عامليني ماتش
وانا كمان عندي استمحانات
عااااااااااااا

ـــــــــــــــــــــــــــــــــــ

بس خلاص
-------
متشكرة اوي ده من ذوقك
واهلا بيكي فاول زيارة لاه وكفى
ويارب تكوني دائماً ضيفة كريمة هنا

نورتيني

ـــــــــــــــــــــــــــــــــــ

romansy
---------
ااااااه
بس مش ده المخزى من البوست

ـــــــــــــــــــــــــــــــــــ

نعكشة
-------
لا وغلاوتك جينات
هاتي تاريخهم المهبب هتلائي كيف عندهم كل واحد يتآمر مع ابن عمه على اخوه ومع الغريب على ابن عمه .. حاجة تقرف
ويارب قدرنا اننا نطلع جيل معندوش الانانية دي
كله خير

سلام عليكـِ انتي

ـــــــــــــــــــــــــــــــــــ

مجداوية
-------
وعليكم السلام ورحمة الله وبركاته

وانا رديت على التعقيب لما قعدت عشان اتكلم برواقة بعد مخلصت مذاكرة وقولت ارتاح شوية .. معلش فترة امتحانات بئى دعواتك معانا .. يعني مش طناش ولا حاجة ولا عدم اهتمام بالكلام .. هو مذاكرة بس .. وكمان انا مقصدتش بجملة حد متعمق او متخصص اني اقول على كلام حضرتك انه سطحي لاسمح الله .. انا قولت كده بس عشان امتداد عقلي بتقول::

"من حسن اسلام المرء تركه مالا يعنيه"
يعنى اللى مافهمش فيه متكلمش فيه
او اقرا واتعلم وبعدين اتكلم

وانا مش علمي واسع ولا حاجة وفوق كل ذي علمـٍ عليم .. ومن فضلك كفاية تجريح .. متهيألي انا مغلطتش في حضرتك ولا بستخف بكلام ورأي حضرتك .. فكمان ياريت بلاش الاسلوب ده فالكلام

فحبيت اقول انه ده تخصصي بس مش اني روحت قعدت على القهوه وجبته وجيت لكن لاهو غرور ولا استهزاء برأي حد .. ومش محتاجة يعني امشي اجر ورايا دكتور جامعة من سياسة واقتصاد عشان يصدق على كلامي .. زي ماحضرتك بتقولي رأيك وبتشرحي وجهة نظرك انا كمان بعمل كده .. يعني لا كلامي ولا كلام حضرتك هيغير شئ .. فمش عارفة ليه كل شوية تهزقي فيا ان مكنش على حماس يبئى عالتعليم يبئى عالدين .. وياترى الخطوة الجاية الاخلاق ولا ايه الله اعلم

وان كان حضرتك متحاملة عالدنيا كلها فكلنا قرفانين ان مكنش من اللي بيحصل برا فمن اللي بيجرالنا جوه ماكلنا في الهوا سوا

Beram ElMasry يقول...

ابنتى العزيزة . آه وكفى
مساء الخير ابنتى العزيزة
لا يعمل فى الخفاء الا المرضى واللصوص ولا يطبق الامر الواقع الا بلطجى ، الكبار والشجعان اسلوبهم الوضوح والشرف والتعالى على الغدر والصغائر والخديعة ، وعدم المبالغة فى العنف وفى العقاب
شكرا لك وتحياتى

Unknown يقول...

عندك حق
انتي دماغ يا نورا والله

Asmaa Fathi يقول...

تجولت فى مدونتك فعجبتنى جدا وضفتها للمفضله

جميله الصوره ومعبره عن ما تحتها

تحياتى

*جنـــى*

محمد عتلم يقول...

22 بس ؟؟

مجــنونكـ يقول...

حلو البوست ياسوسة يا أم 50 لسان وخليكي كده حلوة واكتبي توريه بلاش كلام صريح

نور انا شوفت موضوع مدام مجداوية والمناظرة الفظيعة اللي ملهاش اي لزمه الـ انتم عملينها فخلاص بئى لمي نفسك ولمي تعابينك

تصدقي على اد ما بفرح اوي لما بتنجحي وتجيبي تقديرات على اد مابقلق منك عشان بحس انك حبة وهتلسعي وبئيت بدعي من قلبي والله انك ماتكمليش دراسات ولا يرفدوكي من الجامعة

وبما سارحة عالنت ومش بتذاكري مع ان الامتحان الصبح وعارف انك عبقرية زمانك واكيد خلصتي مذاكرة فـ ممكن بعد اذن جنابك يعني لو مش بنتعبك تتكرمي وتفتحي تليفونك عشان عايز اطولك ومش عارف وتليفون بيتكم ده الله يجحمه وعايز اقولك على موضوع الناس اللي جايين دوول وانا مش هكون موجود فسعدتك تتصرفي
وياريت تكلميني دلوقتي عشان انا مسافر الصبح وهغيب 4 ايام. ولو مشوفتيش الكلام ده قبل مسافر اتصلي ب بابا او احمد اخويا

ولو يانور رجعت ولقيتك برضو لسه بتتكلمي على موضوع حماس وغزه ده ولا نشرتي تعليق بخصوص الموضوع ده والله لـ هفتن عليكي انتي حره

دينا حامد يقول...

هعلق اقول ايه
بصراحة اي انسان بينطبق عليه البوست ده يستاهل كلمة واحدة
ربنا يشفييييييييييييييييييييييييييي




تحياتي

أبو فاطمة / هويتي إسلامية - مدونون من أجل فلسطين يقول...

السلام عليكم ورحمة الله وبركاته

أتمني قرأت مناقشتي إياكي علي مدونة مجداوية

ونقاشها هنا عندك حتي لا تتضرر مجداوية من ذلك

النقاش قبل هذه الفقرة هناك عند مجداوية وأناقش حضرتك فقرة فقرة

أبو فاطمة

غير معرف يقول...

ah plz ya Mgnoonek bla3' 3nha w ana m3aaaaaaak :P
la la bas law htbla3' 3nha ana m3aha 3shan no3tkal m3 b3d l7san hya w7shany w nfsy ashofha 7ta law bel3fa :D hehehehe
wallahy w7shny ya Mgnoonk gnntna m3ak ya a5y eb2a mt3rfsh tegy tshr7ly klmteen l7san ana bsh7at :S
w7shteeny ya nooooooooooooooooor :D
w bgd el post gamed ;)


Frasha

نور الدين (محمد الجيزاوى) يقول...

رائعة يانورا قمة الايجاز وقمة الابداع
نعم نحن أثنتان وعشرين أختا هم دولنا العربية التى صارت تعبد نفسها وتنسى أنها امة واحدة لها رب واحد ورسول واحد ودين واحد ومصسر واحد
لله درك ما أبدعك
تحياتى
............
نور الدين محمود

مجــنونكـ يقول...

ah plz ya Mgnoonek bla3' 3nha w ana m3aaaaaaak :P
la la bas law htbla3' 3nha ana m3aha 3shan no3tkal m3 b3d l7san hya w7shany w nfsy ashofha 7ta law bel3fa :D hehehehe
wallahy w7shny ya Mgnoonk gnntna m3ak ya a5y eb2a mt3rfsh tegy tshr7ly klmteen l7san ana bsh7at :S
w7shteeny ya nooooooooooooooooor :D
w bgd el post gamed ;)


Frasha

ماتهونشي .. عيزاش حاجة من النمسا يادينا انا مسافر وخدي بالك من المجنونة صحبتك على ماارجع .. امنتك امانة يادندش

رندا يقول...

وحشتينى اوى نور قلبى
اطمنى انا بخير بس فى مشكلة صحية وادعيلى تعدى بخير
انا مجبسة رجلى ومشكلة القعدة على النت بس ربنا يسهل كل فترة بدخل اطمن على الكل
ميرسى على انك بتطمنى عليا ربنا مش يحرمنى منك ابدا
ويارب ينجحك يارب

مووووة

رؤية يقول...

لا ادرى ااعلق على البوست ام اسم المدونة

كلاهما رائع

ولا املك سوى ان اقول...

اه وكفى

تحياتى

أبو فاطمة / هويتي إسلامية - مدونون من أجل فلسطين يقول...

السلام عليكم ورحمة الله وبركاته

هذا اللينك فيه مناقشتي لحضرتك

https://www.blogger.com/comment.g?blogID=3373350018930305654&postID=8129777628297252112


أتمني المناقشة هنا أو علي مدونتي ليس علي مدونة أستاذتي مجداوية

فشكووول يقول...

آه وكفى .. ازيك
بصراحه نارسيس جميل والله جميل يحب الجمال .. شوفى برضه الجماعه بتوع حماس بيحبوا نفسهم برضه وشايفين انهم ما فيش حد زيهم وبيدعوا الحكمه لهم فقط وهكذا كل الاخوان المسلمين .. لكن اذا نحن لسنا مع حماس فلا نكون ضدهم كما هو حادث منا لانهم فى الاخر اخوان لنا فى الدين والوطن .. ولا نقسوا عليهم حتى اذا كنا لا نتفق معهم
تحياتى يا آه وكفى

Beram ElMasry يقول...

ابنتى . آه وكفى
لا ، عاملة زى البلطجى ، لان هناك فرق شاسع بين الفتوة اللذى يقهر خصومة دون تجاوز واذا قدر عفى ويترفع عن ماهو مشين ، بينما البلطجى اذا قدر قانه يتوحش ولا يانف من ارتكاب كل ما هو مشين وبشع كاسرائيل ورب البلطجة واللصوصية اميريكا
يوجد تحذير فى موقع قلم رصاص ينبه على وجود فيروس جديد ارجو زيارة مدونة قلم رصاص
لك تحياتى

روابط يقول...

جميلة يا نور
وده يثبت ان كان معى حق, حين قلت انك موهوبة....... تحياتى

ادم المصرى يقول...

مش عارف نفسى اقول لا تعليق بس ممكن تزعلى وعايذ ادحك بس ممكن تسمعى على فكره انا اول مره اخش مدونتك وشدنى اسمها اوى ودا السبب الى خلانى اخشها عجبتنى جدا واسلوبك كمان عجبنى جدا

آه وكفى يقول...

Beram ElMasry
-------------
أبي العزيز بيرم
معاك حق في كل اللي قولته .. ساعات الفتوة على رأيك بيكون فتوة عشان يجيب حق المظلوم لكن البلطجي هو اللي زي اسرائيل كده والست امريكا .. مصيبة تحط عليهم هما الجوز

تحياتي لكـ

ـــــــــــــــــــــــــــــــــــ

لماضة
----
ازيك ياضكتورة .. واخبار اسم الام ايه؟!
وميرسي عالكلام الحلو من بعض ماعندكم يافندم :0))

نورتي ياجميل

ـــــــــــــــــــــــــــــــــــ

gana magde
-----------
اهلا بيكي يا جـنـى في اول زيارة لاه وكفى واتمنى فعلا تكون من مدوناتك المفضلة ده يسعدني بجد
انا كمان زورتك وعجبني البلوج بتاعك ةاضفته عندي

تحياتي لكـِ

ـــــــــــــــــــــــــــــــــــ

محمد عتلم
---------
دوول اللي احياء يرزقون حالياً يا استاذ محمد

دمت بود

ـــــــــــــــــــــــــــــــــــ

مجــنونكـ
---------
50 لسان .. 50 لسان يعني هجيبو من برا وبعدين متشكرين ياسيدي عالنصائح الثمينة دي
وبعدين انت ماشي تتفقد خطواتي على بلوجر بتطاردني مثلاً .. ايه الفضا ده
وبعدين ايه يرفدوني دي .. هما يقدروا يعيشوا منغيري اصلا ده لولا انا ماكانت جامعة القاهره يابني ده يتشردوا فالشوارع منغيري سواء طلاب ولا دكاتره ولا معيدين ولا اداريين .. صلي عالنبي
وسارحة عالنت .. ألفاظ!
وبعدين كعادة سموي انت عارف يعني انا مش بذاكر طول اليوم ومش بفتح تليفوني وانا مضايقة .. وبعد الشر على تليفون بيتنا .. أتصلح على فكرة
وطبعاً اي انسان كريم جداً -انا بلاشك- لما بيعوز ينفض للدنيا بيعمل كده
ثم ان انا هعرف منين بئى حضرتك بعت التعليق ده امته عشان اتنيل اعرف اذا كنت سافرت ولا لسه ولا جيت ولا خطفوك .. ها
هكلم الراس الكبيرة بتاعتكم حاضر
وجامد ججدا التهديد اللي في الاخر .. تحس انك خارج من فيلم كارتون
من يوم ماجوزوك ودمك تقل اوي يامراد
كفاية بئى عليك كده

ـــــــــــــــــــــــــــــــــــ

دينا حامد
---------
هههههههههههههههههههه
ازيك يادينا .. ضحكتيني والله
على رأيك ربنا يايشفيهم ويهديهم يايهدهم .. في الحالتين احنا الكسبانين

تحياتي يازماله

ـــــــــــــــــــــــــــــــــــ

أبو فاطمة
---------
وعليكم السلام ورحمة الله وبركاته
اعتذر عن اكمال المناقشة وشرحتلك الظروف
واهلا بتعليقاتك على البوستات اللي موجودة في المدونة .. غير كده اعتذر عن نشرها

تحياتي

ـــــــــــــــــــــــــــــــــــ

مجــنونكـ & Frasha
------------------
يلا ياختي انتي وهو العبوا بعيد
شوفلكم اي ملاهي ولا زقازيق العبوا عندها مش عيزة وجع دماغ انا .. دي مدون مش مركز شباب
انتو دخلتوا ازاي دانا موقفه اتنين عساكر عالباب وقيلالم ممنوع دخول الاطفال انتو جيتوا ازاي .. يلا بدل ماحد فيكم يكسرلي فازه ولا كوباية يبئى نهاره مش كويس
شكلي هنضرب!
خلاص خلاص بلا ضرب .............

يعني انا وحشاكي ملئيتيش غير المعتقل اللي هنشوف بعض فيه .. ده ايه الاختيار الموفق ده .. طب والله لو اعتقلونا انا وانتي يا دينامو والواد مراد وياسلام بئى يجيبوا معانا هيام ومحمود وكوكو والعيال المصايب قرايبي كلهم وانتي برضو يجرجرولنا من عندك ميحا اخوكي وميكي وايمان وباقي الاخوه الاعداء لهيبئى زي الفل .. احتمال تخيييييييين بتوع امن الدولة نفسهم يدورولهم على حد يعتقلهم عشان يترحموا مننا :0))

ويذاكرلك ايه بس ولا فيه منه فايدة .. أربع لغات ومستخسر فينا أوروفوار .. عالم زي القرع .. كل يومين في لبلد شكل

وحشتيني يا دينااااااااااامو .. نلتقي بعد الامتحاناااااااات

ـــــــــــــــــــــــــــــــــــ

نور الدين
----------
اهلا وسهلا يانور .. نورتني
وكالعاده فهمت اللي انا عيزة اقوله
وتشكرة عالكلام الرائع ده

تحياتي يافنان

ـــــــــــــــــــــــــــــــــــ

رندا
-----
رندا حبيبتي الف سلامة عليكي ياقمر .. انتي قلقتيني عليكي اوي قولت اختفاءك ده غير طبيعي .. الف سلامة عليكي وشدي حيلك وانشاء الله تقومي بالسلامة في اسرع وقت .. اناعارفة الجبس ده رخم موت ياما الواحد ادشدش .. وبتشكريني على ايه بس انا بجد كنت قلقانة عليكي
خدي بالك من نفسك وهنفتقد حضورك وانشاء الله الغيبة متطولش

دمتِ بود

ـــــــــــــــــــــــــــــــــــ

رؤية
-----
شكرا كتير يارؤية على الكلام الحلو ده ان كنتي شوفتيهم كده فده من روعة اخلاقك .. تحياتي ليكي

ـــــــــــــــــــــــــــــــــــ

fashkool
---------
والله ده رأيي يااستاذ فشكول .. بس مين يسمع ومين يفهم .. وانا اكيد مش هدعي عليهم يعني .. بالعكس ربنا ينصرهم مش عشانهم هما كاشخاص او نظام لكن لنصرة الدين بس

تحياتي لحضرتك

ـــــــــــــــــــــــــــــــــــ

حازم سويلم
----------
متشكرة ياحازم ده من ذوقك بس والله .. الا انت مختفي فين بئالك شوية بتمتحن برضو :0))

ـــــــــــــــــــــــــــــــــــ

ادم المصرى
---------
ادم .. صباح الفل يابابا انت نسيتني .. انا نوره الخشن .. كنت بعلق عندك وانت كمان كنت بتيجي تعلق هنا كتير اول زيارة ازاي بس
واذا كان نفسك تضحك تضحك .. هعمل ايه يعني هكتم نفسك .. عادي طالما انت الاحساس اللي وصلك مثير للضحك يبئى
what can I do

تحياتي .. وفتش في بلوجك كده هتلائي كلام ليا

bastokka طهقانة يقول...

22 دولة عربية ترى نفسها الاصلح و الاعقل؟
و عدو واحد
و بلد مستباح واحد
و ملايين القلوب العربية الجريحة


تحياتي
اوروفوار

عاشقه الرومانسيه يقول...

الجمال الحقيقى هو ما يراه الانسان فى عيون من حوله
تحياتى

MKSARAT - SAYED SAAD يقول...

النرجسية حب النفس الانانية
كلها فيروسات تصيب اي نفس بداء الشيخوخة في اعين الاخرين واقصد بالشيخوخة هنا السقوط من اعين الاخرين
كثيرون مصابون بالنرجسية ولا يدرون وعندما يواجهوا الغريب يبتسموا ويستنكروا قلة من يتباهون بها
احيكي على الصورة واختيارك لهذا الفنان
22 نارسيس ام 22 دولة عربية
هي ليست انانية هنا هي وهن
كل الود
سيد سعد

hasona يقول...

نارسيس - خرسيس -برسيس

ده -انجليزي -تركي -روسي
،،،،
هل ما يوجد داخل اإنسان (أعماقه)يبدوا في أفعاله و يطفو علي وجهه
ومن ثم الإعتداد بالنفس أو الزهو


تحياتي لقلمك

مجــنونكـ يقول...

لا مش ثمينة خالص دي خست حتى مدبسة معدتها
لا انا مش بطاردك معقول انا بجلالة قدري هسيب شغلي وامشي اطارد في وحدة زيك انا بعتلك كورومبو هو كفيل بيكي
ميقدروش يعني مممممممممم طب صلي انتي عالنبي بقى
مضايقة من ايه انشاء الله
وبلاشك كمان ياخراشي
وتعرفي لازم تعرفي امال فين قلب الام اعرفي بأحساسك
الراس الكبيرة شوفتي الالفاظ جاية منين
محسساني اننا تجار مخدرات يخرب بيت سنينك
عوبالك انشاء الله لما افرح فيكي كده
وتخيلي بقى انك انتي دمك تقيل جاهز مبالك لما تجوزي ياباكينام ده ان ربنا عدلهالك يعني
شوفي هتبقي قطبية ازاي
P:

ايه ده مكتبتيش حاجة وعملتي بوصيتي
ايه الادب ده
شاطرة شاطرة .. تربيتي نفعت ياباكينام
شوفتي التهديد الكارتوني جاب نتيجة ازاي

قولي لدينا اني قاعد في مصر 5 ايام بحالهم فرصة مبتحصلش كتير دي عشان بتقول مش عارف هتسقط ولا حاجة كده لو عيزاني اساعدها في حاجة انتي عارفة احنا اخوات عادي والله وكله بحسابه مبخدش في الساعة أقل من 150 جنية عشان تبقى فاهمة يعني
الله يخرب بيت الي دخلكم لغات ياشيخة صحيح التعليم لم